Հունիսի 1-ը տարվա ամենալուսավոր ու ամենասպասված օրերից է, երբ բոլորիս ուշադրության կենտրոնում մեր փոքրիկներն են՝ իրենց անմեղ ժպիտներով ու անսահման էներգիայով։ Այս տարի " Daroink " ընկերությունը որոշել էր երեխաների պաշտպանության միջազգային օրը դարձնել է՛լ ավելի անմոռանալի, հեքիաթային ու, ինչ խոսք, քաղցր։

Այս հրաշալի տոնը կայացավ Kids Summer Expo - ի շրջանակներում, որն արդեն ավանդույթ դարձած գեղեցիկ սովորույթով՝ կրկին անգամ կազմակերպել էին Իրինա Թովմասյանն ու Նելլի Պողոսյանը։ Նրանց պրոֆեսիոնալիզմի ու անմնացորդ նվիրումի շնորհիվ է, որ այս միջոցառումը ամեն տարի վերածվում է իսկական մանկական հեքիաթի։

Դե իսկ ինչ տոն առանց անակնկալ հյուրի։ Փոքրիկների հրճվանքն ու ուրախությունն անսահման էր, երբ տաղավարում հայտնվեց բոլորի կողմից սիրված Դենի արջուկը։ Նա անդադար պարում էր երեխաների հետ, գրկում բոլորին, լուսանկարվում և բարձր տրամադրություն հաղորդում անգամ մեծահասակներին։ Դենիի ներկայությունը տոնին հաղորդեց իսկական հեքիաթային մթնոլորտ։

Մենք խոստանում ենք, որ սա դեռ սկիզբն է։ " Daroink "-ը շարունակելու է լինել մեր երեխաների կողքին՝ նրանց պարգևելով նորանոր ուրախ հանդիպումներ, հետաքրքիր խաղեր և, իհարկե, ամենաքաղցր ու որակյալ անակնկալները։