Հուլիսի 11-ին «Դարոյնք»-ն ու Newmag-ը համատեղ անցկացրեցին ընթերցանության օր՝ Newmag-ի գրքասեր երեխաների համար։

«Դարոյնք» ժամանելուն պես երեխաները ծանոթացան ընկերության պատմությանն ու գործունեությանը, տվեցին իրենց հետաքրքրող բոլոր հարցերն ու քննարկեցին ամենահետաքրքիր թեմաներն իրենց սիրելի պրոդուկտների՝ արտադրությունից մինչև վաճառակետեր հասցնելու վերաբերյալ։

Հարց-պատասխանին հաջորդեց օրվա գլխավոր հատվածը՝ գրքի ընթերցանությունը։ Երեխաների համար ընթերցանությունը դեռևս այնքան հաճելի ու ուրախ բնույթ չէր կրել, որքան «Դարոյնք»-ում՝  սիրելի քաղցրավենիքների ուղեկցությամբ։

Դե, իսկ Դենին լինելով գրքասեր, չէր կարող բաց թողնել այս հնարավորությունն ու չմասնակցեր ընթերցանությանը։ Դենին անակնկալ միացավ իր ընկերներին՝  ընթերցանությունը դարձնելով աննկարագրելի ուրախ ու արկածներով լի։ 

Իհարկե, օրը չէր կարող ավարտվել առանց շրջայցի։ Հանդիպման ավարտին, ընթերցասերների խումբը ուղևորվեց արտադրամաս՝ տեսնելու ու համտեսելու ամենաթարմ ու ամենահամեղ քաղցրավենիքները։ 

«Դարոյնք»-ի ու Newmag-ի համագործակցությունը լինելու է շարունակական, որը նպատակ ունի համատեղելու օգտակարը հաճելիի հետ՝ երեխաներին տրամադրելով ոչ միայն կրթական, այլև զվարճալի ու հիշարժան փորձառություն։