Նախորդ տարին մեզ համար դարձավ վառ ու հիշարժան ձեռքբերումների տարի՝ լի նոր մարտահրավերներով, հետաքրքիր փորձառություններով և նշանակալի ձեռքբերումներով։ Ձգտել ենք ստեղծել արժեքներ, պարգևել ժպիտներ ու քաղցր հիշողություններ։ 

Տարին սկսեցինք ընկերության ռեբրենդինգով՝  բրենդը դարձնելով ժամանակակից և համահունչ նոր պահանջներին։ Ռեդիզայնի ենթարկեցինք մի շարք արտադրանքների փաթեթավորումներ՝ դրանք դարձնելով ավելի գրավիչ, ակնահաճո և համապատասխան մեր սպառողների բարձր սպասումներին։

Ինչպես արդեն նշվեց, 2024 թվականը հատկապես նշանավորվեց մեր միջազգային մասնակցություններով։ Հանդես եկանք China International Import Expo-ին, որը համարվում է աշխարհի ամենախոշոր ցուցահանդեսներից մեկը։ Այս իրադարձությունը մեզ համար դարձավ ոչ միայն յուրահատուկ հնարավորություն ներկայանալու, այլև ձեռք բերելու նոր բիզնես գործընկերներ՝ հետագա համագործակցությունների համար։

2024 թվականը առանձնահատուկ էր նաև սպառողի հետ ավելի անմիջական ու թափանցիկ կապ կառուցելու մասով: Մենք կազմակերպեցինք գործարանային էքսկուրսիաներ, որոնք հնարավորություն տվեցին սպառողներին ծանոթանալ մեր արտադրական պրոցեսին, ընկերության պատմությանը և ապագա ծրագրերին։ Այս նախաձեռնությունը մեզ թույլ տվեց էլ ավելի ամրապնդել կապը մեր սպառողների հետ։

Կարևոր ձեռքբերում էր նաև մեր աշխատակիցների զարգացմանն ուղղված ծրագրերի իրականացումը: 2024-ին կազմակերպվեցին թրեյնինգներ, որոնք նպատակ ունեին բարելավել մեր աշխատակիցների հմտությունները, բարձրացնել նրանց մասնագիտական որակավորումները և ապահովել թիմի արդյունավետ աշխատանքը։

Ամփոփելով նախորդ տարին՝ կարող ենք վստահաբար ասել, որ այն մեզ համար ձեռքբերումների և զարգացումների տարի էր։ 2025 թվականին պատրաստվում ենք շարունակել նույն ոգով՝ ընդլայնելով մեր գործունեությունը, ներկայացնելով նորարարություններ, ինչպես նաև նոր ու մեծ ընտրություն առաջարկող տեսականի` մեր հավատարիմ սպառողներին։